Општина Виница инвестира четири милиони денари за изградба на тротоари
- Локалната самоуправа на Виница инвестира дополнителни четири милиони денари за реализација на годишната програма за изградба на сообраќајна инфраструктура и уредување на јавно-прометните повр
![Општина Виница инвестира четири милиони денари за изградба на тротоари](https://mia.mk/images/20221113153657_big_730x400_68.webp )
Виница, 9 јуни 2022 (МИА) - Локалната самоуправа на Виница инвестира дополнителни четири милиони денари за реализација на годишната програма за изградба на сообраќајна инфраструктура и уредување на јавно-прометните површини.
Средствата се наменети за изградба на тротоари и пешачки патеки на повеќе улици во градот и дел од населените места во општината, со вкупна површина од 3,5 илјади квадратни метри. Според најавата од општинските служби, градежните активности ќе почнат од идната недела.
-Веќе е склучен договор со фирмата „Евроградба инженеринг“ од Владиевци, Општина Василево, која беше избрана за изведувач на градежните работи. Очекуваме од понеделник да почне изградбата на тротоари на улиците „Никола Карев" и „Јане Сандански" во Виница, а во истиот договор е опфатена и изградбата на пешачка патека на влезот во селото Јакимово, како и поставувањето бехатон плочки, на површина од над две илјади квадратни метри, на тротоари во Истибања, Блатец, Пекљани и другите населени места, истакна Миле Петков, градоначалник на Виница.
Реализацијата на градежните работи за уредување на тротоарите треба да заврши во период од шест месеци.
Општина Виница ја реализира и изградбата на потпорен ѕид на улицата "Иво Лола Рибар" во Ромското маало, како дел од проект што се имплементира со Ромскиот ресурсен центар и ЧЕЛИМ од Милано, Италија, а е финансиран од ЕУ и Министерството за труд и социјална политика на Македонија. та/сп/
![Виница тротоари](/articles/images/%d0%be%d0%bf%d1%88%d1%82%d0%b8%d0%bd%d0%b0-%d0%b2%d0%b8%d0%bd%d0%b8%d1/4jKyQqDIS/placeholder.webp?use_watermark=0)