ОН: Околу 34 милиони луѓе гладуваат
- Обединетите нации предупредија дека во повеќе од 20 земји во светот ќе завладее глад во следните неколку месеци. Бројни семејства веќе гладуваат во делови на Јемен и Јужен Судан, се наведува
![ОН: Околу 34 милиони луѓе гладуваат](https://mia.mk/images/20221106142903_big_730x400_74.webp )
Лондон, 24 март 2021 (МИА) - Обединетите нации предупредија дека во повеќе од 20 земји во светот ќе завладее глад во следните неколку месеци. Бројни семејства веќе гладуваат во делови на Јемен и Јужен Судан, се наведува во извештајот на Организацијата за храна и земјоделство на ООН.
Во извештајот се вели дека околу 34 милиони луѓе се борат со недостиг на храна и се на работ на глад.
Како што пренесува „Гардијан“, гладот е предизвикан од воените конфликти, климатските промени и пандемијата на коронавирусот, а во некои земји од временски непогоди и пустински бури.
- Нивото на страдање е алармантно. На сите ни останува да дејствуваме брзо и да спасиме животи, порача Ку Донгју, генерален директор на Организацијата на ООН за храна и земјоделство.
Северна Нигерија, Јемен и Јужен Судан се меѓу земјите кои се соочуваат со „катастрофа“ поради недостиг на храна, се вели во извештајот на организацијата.
Најзагрозени се земјите во Африка, а глад им се заканува и на Авганистан, Сирија, Либан, Хаити и некои земји од Карибите. паг/