Од осум жртви на трговија со луѓе годинава, седум се малолетни, предаторите сè повеќе го користат интернетот
- Од осум жртви на трговија со луѓе годинава, седум се малолетни. Генерално, трговијата со луѓе како кривично дело сè повеќе се прави преку интернет, а загрижува и фактот што возрасната граница
![Од осум жртви на трговија со луѓе годинава, седум се малолетни, предаторите сè повеќе го користат интернетот](https://mia.mk/images/20221114005541_big_730x400_25.webp )
Скопје, 18 октомври 2022 (МИА) - Од осум жртви на трговија со луѓе годинава, седум се малолетни. Генерално, трговијата со луѓе како кривично дело сè повеќе се прави преку интернет, а загрижува и фактот што возрасната граница се намалува и доколку жртвите пред десетина години биле од 16 години нагоре, сега жрвтите се од 10 до 17 години. Криминалците сè повеќе ја таргетираат онаа група што најмногу го користи интернетот, а најмалку се информирани за опасносните.
Во рамките на одбележувањето на Европскиот ден за борба против трговија со луѓе - 18 октомври, МВР заедно со партнерите од ОН, Советот на Европа и Отворена порта ќе поделат брошури за подигање на свеста на учениците за опасноста од злоупотреба на компјутерската технологија низ 33 училишта во земјава.
Државната секретарка на МВР и национална координаторка за борба против трговија со луѓе Магдалена Несторовска посочи дека генерално самата трговија со луѓе како кривично дело сè повеќе се прави преку злоупотреба на информатичката технологија.
- Користењето на онлајн комуникацијата за криминалците овозможува поголема анонимност и поголема профитабилносот и заради тоа сè повеќе се ориентираат на регрутирање и контрола на жртвите преку интернет-комуникација, изјави Несторовска.
Несторовска посочи дека од осум жртви на трговија со луѓе годинава, една е конкретно жртва преку онлајн комуникација.
Според извршната директорка на „Отворена порта“ Јасмина Димишковска Рајковска, модерното време и употребата на интернет и технологија ги изложува децата сè повеќе на ризик, посочувајќи дека резултатите од нивните истражувања покажуваат дека децата ги користат социјалните платформи „Снепчат“, „Твитер“, „Инстаграм“ и т.н. стапуваат во контакт со лица кои ги познаваат и не ги познаваат.
- Загрижува делот што открива дека најголем дел од нив стапиле во контакт со лице што не го познаваат, а подоцна дел од нив оствариле и физички контакт со такви лица, изјави Рајковска.
Родителите, порача Рајковска, треба да внимаваат на кои платформи се децата и да водат малку повеќе контрола за тоа што прават децата и со кого комуницираат на интернет. Истовремено, според неа, треба да се разработат и стратегии за подигање на свеста кај децата за ризикот од интернет и како безбедно да се користи. аа/бак/
![„Отворена порта“ Јасмина Димишковска Рајковска](/articles/images/%d0%be%d0%b4-%d0%be%d1%81%d1%83%d0%bc-%d0%b6%d1%80%d1%82%d0%b2%d0%b8-%/r1Kvb1zLq/placeholder.webp?use_watermark=0)