Независен синдикат за здравство: Составен иницијативен одбор што бара промена на нелегитимниот претседател, тој го руши угледот на здравството и вработените
Скопје, 22 ноември 2024
Како членови на Независниот синдикат за здравство сакаме да истакнеме дека составивме иницијативен одбор кој бара промена на нелегитимниот Претседател, Боби Бојчевски.
Ова наше барање доаѓа како резултат на тоа што Претседателот, Боби Бојчевски веќе подолго време не се грижи за вработените во здравството и лажно се претставува како наш вистински и искрен претставник. Бојчевски не прави ништо друго освен што го руши угледот на здравството и вработените во здравствениот систем. Веќе подолго време овој синдикат претставува "членарина" синдикат и машина за собирање само на финансиски средства без притоа членовите и здравствените работници да имаат вистинска борба за своите работнички права.
Членството во синдикатот веќе има собрано потписи за смена на Претседателот. Доколку тој самиот не поднесе оставка, ние ќе поднесеме пријава.
Доста е со расипничкото водење на нашиот синдикат од страна на нелигитимниот Претседател.
Со ова наше соопштение сакаме да ја информираме целата јавност за тоа што се случува во нашиот синдикат.
Независен синдикат за здравство
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
