Скопје, 7 мај 2025 (МИА) – Дојран пладнево беше зафатен од невреме проследено со обилен пороен дожд, грмежи, засилен ветер и крупен град.

Како што информираат од Центарот за управување со кризи, во моментов се движи нова нестабилна маса од Гевгелија кон Дојран, по што се очекува невреме со истите појави.

– Пред 20-тина минути Дојран беше зафатен од невреме проследено со обилен пороен дожд, грмежи, засилен ветер и крупен град. Во моментов нова нестабилна маса се движи од Гевгелија кон Дојран и се очекува повторно да го зафати невреме со истите појави, стои во соопштението.

Нестабилност со слаб интензитет, оттаму додаваат дека има и во Кумановско, како и во Мариовско. ра/са/

Фото: МИА архива