Скопје, 7 април 2026 (МИА) - На иницијатива на претседателката Гордана Сиљановска-Давкова денеска во Кабинетот ќе се одржи настан со наслов „Климатски промени - ризици и предизвици“.

На настанот ќе учествуваат универзитетски професори, експерти, претставници на државни институции и граѓанскиот сектор. Дискусиите ќе бидат фокусирани на институционална рамка и законска регулатива за климатските промени, квалитет на воздухот и здравствените последици, климатските ризици, отпорност и иновативни мерки за адаптација и интегрирано управување со водите, квалитет на водите, георизици и адаптација на земјоделството.

Како што најавуваат од Кабинетот на претседателката, воведни обраќања ќе имаат претседателката Гордана Сиљановска-Давкова, националната координаторка за климатски промени, Теодора Обрадовиќ-Грнчаровска, и Владо Спиридонов, доктор по метеоролошки науки и член на Советот за безбедност. 

Целта на стручната дискусија е да произлезат заклучоци, препораки и предлог-мерки за превентивно дејствување и иновативни решенија за адаптација на климатските промени. ев/вг/

ФОТО: Архива