Бејрут, 10 јануари 2025 (МИА) - Вршителот на должноста премиер на Либан, Наџиб Микати денеска рече дека државата ќе започне процес на разоружување на јужен Либан, особено на регионот јужно од реката Литани, со цел да воспостави свое присуство низ целата земја.

-Ние сме во нова фаза. Во оваа нова фаза ќе започнеме со Јужен Либан и конкретно со регионот јужно од реката Литани, да го повлечеме оружјето за да се почувствува присуството на државата на целата либанска територија, рече Микати. 

Тој утре ќе се сретне со сирискиот де факто лидер Ахмед ал Шара во Дамаск, изјави либански извор.

Минатата недела Ал Шара телефонски разговараше со Микати и го покани да ја посети Сирија. мс/

фото: МИА архива