Скопје, 22 септември 2025 (МИА) - Согласно индикативните мерења на суспендирани цврсти честички (PM10) на мерното место во Трубарево, спроведени во периодот од 21.09.2025 во 08:30 часот до 22.09.2025 во 08:30 часот, просечната концентрација изнесува 14.2 µg/m³.

Највисоката измерена вредност е 44.1 µg/m³, додека моменталното ниво е 11.9 µg/m³.

-Резултатите покажуваат дека концентрациите на PM10 се во рамки на дозволените и не ја надминуваат 24-часовната гранична вредност пропишана за заштита на човековото здравје, согласно Уредбата за квалитет на амбиентниот воздух, соопшти Министерството за животна средина.

Мерењата во Трубарево се вршат по пожарот во фабриката „Нула отпад“ за рециклирање  електричен и електронски отпад што се случи на 13 септември. ев/дма/

Фото: МИА архива