Мексико Сити, 30 март 2026 (МИА) - Претседателката на Мексико Клаудија Шејнбаум најави дека нејзината влада ќе преземе поостри мерки и ќе упати протест до САД по смртта на уште еден мексикански државјанин во американски притворен центар за мигранти.

Овој случај, потврден од Агенцијата за имиграција и царина на САД (ICE), е 14-ти смртен исход на мексикански државјанин во американските федерални притвори во текот на оваа година.

„Ќе преземеме дополнителни чекори за да протестираме против смртта на уште еден наш граѓанин во Соединетите Американски Држави“, изјави претседателката Шејнбаум, нагласувајќи дека ваквите инциденти бараат порешителен одговор од мексиканската дипломатија. ссм/

фото: архива