Велес, 31 октомври 2025 (МИА) - Во организација на Општинската изборна комисија денеска на Свечена седница во големата општинска сала Велес на Марко Колев му беше врачено решението за новиот - втор мандат, за градоначалник на Општина Велес, а беа врачени и решенијата на новоизбраните советници во Советот на Општина Велес.

Колев упати благодарност до ОИК и сите вклучени институции за успешната организација на изборниот процес, како и до граѓаните кои на фер и демократски начин ја искажаа својата недвосмислена поддршка.

-Велешани Ви благодарам. На нас останува да го реализираме сето она што го ветивме и граѓаните го очекуваат, самостојно и во соработка со централната власт. Јас и понатаму ќе останам истиот човек кого можете да го сретнете во Општината, на спортски и културни настани, но и низ велешките улици, бидејќи Велес е мојот град, градот кој го сакам,  истакна Колев. ад/аа/

Фото: Општина Велес