Македонското трио „Аура“ ќе настапи на Интернационалниот музички фестивал во Врање
- Македонскиот камерен состав трио „Аура“ денеска ќе настапи на 21. Интернационален музички фестивал „Мај месец музике“. Фестивалот се одржува во Концертната сала на Музичкото училиште во Врањ
![Македонското трио „Аура“ ќе настапи на Интернационалниот музички фестивал во Врање](https://mia.mk/images/20221107033212_big_730x400_63.webp )
Скопје, 11 мај 2021 (МИА) – Македонскиот камерен состав трио „Аура“ денеска ќе настапи на 21. Интернационален музички фестивал „Мај месец музике“. Фестивалот се одржува во Концертната сала на Музичкото училиште во Врање, а свеченото отворање ќе биде во театарот „Бора Станковиќ“, со концерт на Новосадскиот камерен ансамбл.
Триото ќе се претстави со делата од Морлачи, Доницети, Пиацола и Коетсиер.
„Аура” го сочинуваат тројца македонски музички уметници, флејтистот Страшо Темков, пијанистката Ана Гацева и фаготистот Марјан Милошевски. Тројцата работат како професори на Факултетот за музичка уметност во Скопје. Имаат реализирано многубројни рецитали како солисти и камерни музичари во Австрија, Азија, Англија, Африка, Бугарија, Германија, САД, Словенија, Србија и Франција.
Триото промовира дела од македонски композитори, напишани специјално за овој состав, а нивното заедничко камерно музицирање го карактеризира изразено чувство за експресивност, музичка симбиоза и компактност на звукот и изразот. ки/са/
![](/articles/images/makedonskoto-trio-aura-e-nastapi-na-internacionalniot-muzichki-festiva/yiaQzdLGn/placeholder.webp?use_watermark=0)