Скопје, 2 септември 2023 (МИА) - Пожарот кој што денеска избувна на територијата на Општина Гостивар во атарот на селото Речане е ставен под целосна контрола и е локализиран, информира директорот на ЦУК Стојанче Ангелов. Тој додаде дека останати се само два крака кои што само чадат, но, не се забележува горење.

-Благодарение на интервенцијата на лицата од Национални шуми пожарот е локализиран. Откажана е операцијата на гасење на овој пожар со хеликоптер на МВР. Нема потреба од употреба на авионите на Дирекцијата за заштита и спасување. Верувам дека во следниот период лицата од Национални шуми целосно ќе го изгаснат овој шумски пожар, којшто избувна околу пладне, изјави Ангелов. 

Инаку, пожарот е видлив од регионалниот пат Гостивар - Кичево - Охрид, наспроти каменоломите покрај патот, што предизвика повеќе јавувања на 112, наведуваат од ЦУК. вг/

Фото: ЦИК/принтскрин