Скопје, 16 јануари 2025

Социјалдемократскиот сојуз на Македонија го изразува своето незадоволство и загриженост за третманот кој актуелната власт, предводена од Христијан Мицковски и министерката Весна Јаневска, го покажува кон просветните работници.

Додека трошоците за живот растат и се поскапува, граѓаните и работниците имаат се помалку пари, власта на ДПМНЕ ги останава на цедило и наставниците.

Наместо да го вреднуваат трудот на наставниците и да обезбедат вистинско подобрување на нивниот животен стандард, Власта со потценувачки решенија го деградираат достоинството на оваа благородна професија.

Според законската обврска, платите на наставниците требаше да бидат зголемени за 12,15% од септември 2024 година, што би значело просечно зголемување од 4.300 денари.

Но, тоа не се случи. Реалноста е понижувачка – зголемувањето од едвај 5% пристигна дури во октомври, оставајќи ги наставниците без заслуженото за нивниот труд.

Со ова наставниците и просветните работниците се оштетени.

Дополнително, најавените зголемувања од 7,5% во март 2025 година и нејасните ветувања за идни зголемувања од 7,5-10% секој март се далеку од тоа што им следува и што треба да го добијат просветните работници.

Секако и далеку од она што го реализираше СДСМ во изминатите години.

Во периодот од 2017 до 2023 година, платите на наставниците беа зголемени кумулативно за над 55%, со шест континуирани зголемувања, почнувајќи од 2019 година.

Фактите се следни:
• Во 2016 година, основната плата на наставник во основно образование беше 21.100 денари. До септември 2023, таа достигна 33.640 денари.
• Во 2016 година, основната плата на наставник во средно образование беше 21.950 денари. До септември 2023, таа достигна 35.200 денари.

СДСМ покажа дека образованието е приоритет. Го воведовме Законот за наставници и стручни соработници, што овозможи кариерен развој и напредување во звања. Преку јавни повици, за првпат беа назначени наставници-ментори во основните училишта, со цел подигнување на нивниот професионален статус.

Актуелната власт, за жал, го запостави овој процес. Законите што се однесуваат на унапредување на образованието се вратени од собраниска процедура, а ветувањата за реформи остануваат само празни зборови.

ВМРО-ДПМНЕ покажува дека нема капацитет да ги препознае вистинските приоритети. Пари за образование има, прашањето е само за што се користат. Наставниците заслужуваат достоинствен третман и вистински услови за работа.
СДСМ ќе продолжи да се бори за подобрување на условите во образованието. Образованието е темелот на нашата иднина, а достоинството на наставниците мора да биде заштитено! 

Одговор на новинарско прашање, Жаклина Лазаревска, Комисија за обраозвание на СДСМ

Новогодишната кошничка се покажа целосно промашена, цените не се намалија

И новогодишната кошничка се покажа целосно промашена. Политиката на власта со кошнички доживеа тотален дебакл. Наместо да се намалат цените се зголемија, затоа што власта им остави време и простор на големите трговци да ги покачат цените на производите пред да стапи мерката во сила. Зејтинот, јајцата, шеќерот, млечните производи, грашокот, гравот и леќата, се е поскапено а тоа граѓаните го чувствуваат секој ден и го гледаат во продавниците и маркетите.

И официјалните податоци на Државниот завод за статистика потврдуваат дека кошничките се промашување. Трошоците за живот во декември 2024 година се зголемени за 4,4%, а цените на основните производи пораснале за 4,3%. Се зголеми и инфлацијата, во декември 2024 година е за 4,4 проценти повисока.

Големите трговци се збогатија, а десетици милиони евра се извлечени од џебовите на граѓаните со амин на оваа влада.

Наместо погрешни и промашени политики со кошнички власта треба да ги профати предлозите на СДСМ за укинување на ДДВ на храната и за зголемување на платите. Само така може реално да се намалат цените и да се подобри животниот стандард на граѓаните.

Линк до видео: https://youtu.be/dOoLCUekTcU 

Прес - конференција на СДСМ, Жаклина Лазаревска, Комисија за обраозвание

СДСМ - Центар за комуникации со јавноста

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.