Кумановските пензионери со ниски пензии од денеска користат бесплатен градски превоз
- Кумановските пензионери со ниски пензии од денеска користат бесплатен градски превоз, соопштија денеска надлежните од здружението на пензионери Куманово. Одлуката ја донесе советот на општина
![Кумановските пензионери со ниски пензии од денеска користат бесплатен градски превоз](https://mia.mk/images/20221114020229_big_730x400_23.webp )
Куманово, 1 ноември 2022 (МИА) - Кумановските пензионери со ниски пензии од денеска користат бесплатен градски превоз, соопштија денеска надлежните од здружението на пензионери Куманово. Одлуката ја донесе советот на општината.
- Вкупно 400 пензионери од 1 ноември, односно од денеска, користат бесплатен градски превоз. Благодарни сме на поддршката која ја добивме од локалната власт и која ќе помогне за ублажување на последиците на економско-енергетската криза за нашите членови кои имаат пензија до 13.000 денари, изјави претседателот на здружението, Благе Јакимовски.
![thumbnail_313295870_515665763519226_3428722424543966956_n](/articles/images/%d0%ba%d1%83%d0%bc%d0%b0%d0%bd%d0%be%d0%b2%d1%81%d0%ba%d0%b8%d1%82%d0%/4GtFvrZws/placeholder.webp?use_watermark=0)
![thumbnail_табла здружение куманово](/articles/images/%d0%ba%d1%83%d0%bc%d0%b0%d0%bd%d0%be%d0%b2%d1%81%d0%ba%d0%b8%d1%82%d0%/d7GwuZCTV/placeholder.webp?use_watermark=0)
Пензионерите поднесуваа барања со последен чек од пензија и документ за идентификација. Картите се изработени и поделени.И претходно во 2020 година околу 400 кумановски пензионери користеа бесплатен превоз. Здружението има околу 14.000 членови. ам/сст/