Лос Анџелес, 28 јуни 2025 (МИА) - Крис Пол, еден од најголемите плејмејкери во историјата на НБА, се подготвува да ја започне својата 21-ва сезона во лигата.

Минатата сезона, тој учествуваше во сите 82 натпревари, докажувајќи се како клучен играч за Сан Антонио Спарс.

Пол моментално е слободен агент и додека неговата иднина останува нејасна, се зголемуваат шпекулациите за тоа каде би можел да заврши следната сезона.

И покрај силниот интерес од Далас Маверикс, кои бараат замена за повредениот Кајри Ирвинг на позицијата бек, се чини дека Пол е повеќе склон да игра поблиску до дома.

Според новинарот Марк Штајн, Крис Пол е „решен“ да игра во Лос Анџелес.

Ова може да биде и последна шанса на Пол да го дели теренот со својот долгогодишен пријател Леброн Џејмс.

Со оглед на тоа што сите знаци укажуваат на неговата желба да игра во Лос Анџелес, се чини дека е сè поверојатно дека ќе им се придружи на Лејкерси следната сезона, бидејќи тие бараат сигурен плејмејкер кој ќе игра заедно со Леброн Џејмс и Лука Дончиќ.

Пол беше клучен играч за Спарс минатата сезона, со просек од 8,8 поени, 7,4 асистенции и 3,6 скока за 28 минути по натпревар на 40-годишна возраст. дс

Фото: Архива