„Комунална хигиена“ почна со расчистување на обемна дива депонија во Шуто Оризари
- ЈП „Комунална хигиена“-Скопје во текот на изминатиов викенд започна активности за отстранување голема дива депонија лоцирана во скопската општина Шуто Оризари, во непосредна близина на спортс
![„Комунална хигиена“ почна со расчистување на обемна дива депонија во Шуто Оризари](https://mia.mk/images/20221112160024_big_730x400_87.webp )
Скопје, 28 март 2022 (МИА) - ЈП „Комунална хигиена“-Скопје во текот на изминатиов викенд започна активности за отстранување голема дива депонија лоцирана во скопската општина Шуто Оризари, во непосредна близина на спортската сала.
Директорот на ЈП „Комунална хигиена“-Скопје, Зухди Енуз денеска во пишана изјава информира дека станува збор за дива депонија составена од мешан комунален, кабаст и градежен отпад што досега во повеќе наврати била расчистувана и посојано повторно се создава.
- Во координација со Град Скопје и општина Шуто Оризари, екипите на ЈП Комунална хигиена-Скопје викендов започнаа со отстранување на исклучително обемна дива депонија лоцирана во оваа скопска општина. Активностите на ЈП Комунална хигиена-Скопје ќе продолжат и во текот на оваа недела, а очекуваме до крајот на акцијата да бидат подигнати приближно 400 кубни метри несовесно одложен отпад. Апелирамe до граѓаните својот отпад да не го одлагаат на јавни површини и на тој начин заедно да ја заштитиме животната средина и јавното здравје, рече Енуз.фф/лв/
![дива депонија Шуто Оризари1](/articles/images/%d0%ba%d0%be%d0%bc%d1%83%d0%bd%d0%b0%d0%bb%d0%bd%d0%b0-%d1%85%d0%b8%d0/9rvI35SvL/placeholder.webp?use_watermark=0)