Пекинг, 1 ноември 2024 (МИА) - Кинеското Министерство за надворешни работи денеска го повика Виетнам да ја зголеми „едуцираноста“ на своите рибари и да се воздржи од „нелегални активности“ во водите кои се под „кинеска јурисдикција“.

Портпаролот на Министерството, Лин Џијан, ги даде овие коментари на прес-конференција, одговарајќи на прашања за протестите на Виетнам поради, како што се наведува, задржувањето на виетнамски рибари и рибарски бродови во спорните Параселски острови во Јужното Кинеско Море.

Кина сака Виетнам да биде информиран за правилата што се однесуваат на риболовот и да избегнува активности кои Кина ги смета за нелегални, како риболов во области што Кина ги смета за свои. ссм/

фото: архива