Милано, 17 февруари 2026 (МИА) - Организаторите на Олимписките игри во Милано и Кортина д'Ампецо ги одложија натпреварите во скијање слободен стил за 18 и 19 февруари поради лоши временски услови во Ливињо.

Натпреварите во скијање слободен стил првично беа закажани за денес, но се одложени. Две квалификациски рунди и финалиња за жени ќе се одржат на 18 февруари, а две квалификации и финалиња за мажи ќе се одржат на 19 февруари. Финалето за жени ќе започне во 13 часот, а финалето за мажи во 14 часот.

Вчерашните обилни снежни врнежи не дозволија да се одржи целосно последната серија во скијачки скокови за мажи. Во текот на третата серија, условите беа оценети како несоодветни за продолжување на натпреварувањето. Како резултат на тоа, финалната рунда беше откажана, а конечниот пласман беше базиран на резултатите од втората рунда, во која австрискиот тим беше прогласен за победник. зс/

Фото: ЕПА