Лондон, 26 декември 2023 (МИА) – Поранешниот извршен директор на Формула 1, Берни Еклстоун, проговори за улогата на Михаел Шумахер во Ферари. Тој кажа дека официјалниот шеф на Шумахер во Ферари, Жан Тод, ги слушал упатствата на возачот.

- Еден ден го прашав кој навистина го води тимот. Тој одговори: Јас. И добро се снајде. Успеа да го извлече најдоброто од своите вработени. Ја заслужи почитта кај луѓето и тие го слушаа. Кога предложи нешто, тимот сфати дека тој е во право. Што и да речеше Мајкл, Тод го следеше тоа.

Секако, Михаел имаше корист од неговите настапи во Формула 1, но и Формула 1 имаше корист од неговото учество. Има многу тркачи кои едноставно исчезнуваат и никој не се сеќава на нив. Со Шуми е поинаку, се разбира. Никогаш не размислувал за компромиси. Ако беше убеден во нешто, тој одеше да го исполни тоа. Во животот беше сосема обичен, фин тип, изјави 93-годишниот Британец за ДПА.

Шумахер кој на крајот на декември 2013 година претрпе тешка повреда на главата оттогаш за неговата состојба во јавноста не се знае многу. зс/

Фото: ЕПА