Скопје, 6 јули 2022 (МИА) - По вчерашното невреме и силниот ветар што го зафати Скопје, екипи на ЈП „Паркови и зеленило“ интервенираа во текот на попладневните часови на локации по пријави за паднати дрвја и гранки.

-Се интервенираше до доцните вечерни часови и тоа на улиците „Ацо Караманов“, „Виктор Иго“, булевар „Трета македонска бригада“, „Исаија Маџоски“, „Ангел Динев“, булевар „Илинден“, „Васил Чакаларов“, „Христо Чернопеев“, паркот „Ибни Пајко“, соопшти ЈП „Паркови и зеленило“ - Скопје.

Екипите на претпријатието продолжуваат и денеска со расчистување на градот. мд/дма/