Дутерте нареди итно да им се помогне на луѓето погодени од тајфунот Вамко
Манила, 12 ноември 2020 (МИА) - Филипинскиот претседател Родриго Дутерте денеска им нареди на владините служби да побрзаат да им помагнат на луѓето кои се погодени од тајфунот Вамко, откако во невремето загинаа најмалку две лица, а главниот град Манила беше погоден од најголемата поплава во последните неколку години.
Десетици илјади домови во предградијата беа поплавени, оставајќи ги жителите на покривите, чекајќи помош.
Вамко е 21-от циклон што ги погоди Филипините оваа година, кои сè уште се опоравуваат од Гони, најмоќниот тајфун во светот оваа година, во кој загинаа 25 лица, а илјадници домови беа уништени на почетокот на ноември.
- Бидете сигурни дека Владата нема да остави никого, рече Дутерте во обраќањето до нацијата.
Во Манила и околината, речиси три милиони домаќинства останаа без струја. Летовите се прекинати, а крајбрежната стража престана да работи во пристаништето.
Во меѓувреме, Вамко ослабна, ветерот сега дува со брзина од 130 километри на час, со удари до 160 километри на час. паг/
