Талин, 26 март 2026 (МИА) - Беспилотно летало утрово навлезе во воздушниот простор на Естонија од насока на Русија и удри во оџак на локална електроцентрала, соопшти Службата за внатрешна безбедност на земјата.

Естонските власти информираа дека нема повредени лица, ниту е предизвикана штета врз објектот на електроцентралата.

Истовремено, локалните власти во соседна Летонија пријавија дека два дрона навлегле во нивниот воздушен простор – едниот од Русија, а вториот од Белорусија.

Засега нема прецизни информации за потеклото на беспилотните летала, но западни медиуми посочуваат дека инцидентите коинцидираат со украинскиот напад со дронови врз руското балтичко пристаниште Уст Луга. Ова пристаниште, каде изби пожар, е клучен центар за извоз на нафта и се наоѓа на само 25 километри од естонската граница. ссм/аб/

фото: архива