Димковски: Со членството во ЕУ за земјоделството се отвора пазар од преку 500 милиони потрошувачи
- Продолжувањето на нашиот европски пат обезбедува стабилна и сигурна иднина за граѓаните и државата, но и отвора огромни можности за развој и унапредување на земјоделството и големи придобивки за земјоделците.
![Димковски: Со членството во ЕУ за земјоделството се отвора пазар од преку 500 милиони потрошувачи](https://mia.mk/images/20230827115217_big_730x400_69.webp )
Скопје, 27 август 2023
Продолжувањето на нашиот европски пат обезбедува стабилна и сигурна иднина за граѓаните и државата, но и отвора огромни можности за развој и унапредување на земјоделството и големи придобивки за земјоделците.
Со приемот во ЕУ ни се отвора пазар од преку 500 милиони потенцијални потрошувачи, на кој македонските земјоделци ќе може да ги понудат и пласираат своите производи.
Европската Унија преку мерките од ИПАРД 3 програмата досега, има издвоено вкупно 217 милиони евра за директна поддршка на нашите земјоделски производители.
Со пристапот на Македонија во Европската Унија, оваа поддршка само ќе расте.
Според досегашните искуства, европските средства со членството во ЕУ се зголемуваат за 10 – 11 пати.
Овие пари се голем импулс за македонското земјоделство и поддршка за земјоделците да го унапредат своето производство, воведувајќи иновации и модерни технологии.
Програмата ИПАРД 3 ја започнуваме први во регионот, а буџетот е зголемен за 62 отсто.
Тоа се вкупно 120 милиони евра европски неповратни средства за земјоделството.
Продолжувањето на европскиот пат е клучно за да имаме повеќе и поквалитетна домашна храна и почитувани земјоделци чија мака и труд се вреднува.
Центар за комуникации со јавноста на СДСМ, прес-конференција на Трајан Димковски, претседател на Комисија за земјоделство, шумарство и водостопанство на СДСМ
______________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
Фото: СДСМ