Берлин, 15 јули 2024 (МИА) - Селекторот на шпанската фудбалска репрезентација Луис де ла Фуенте стана еден од најстарите тренери кои освоиле трофеј на Европското првенство.

Репрезентацијата на Шпанија синоќа ја победи Англија (2:1) во финалето на Евро 2024 година. Де ла Фуенте го освои Европското првенство со 63 години и 23 дена.

Само неговиот сонародник Луис Арагонес (Шпанија, ЕП 2008), кој го освои трофејот со 69 години и 337 дена, и Германецот Ото Рехагел (Грција, Еуро 2004, 65 години и 330 дена) беа постари од шпанскиот селектор.

Де ла Фуенте ја предводи репрезентацијата од јануари 2023 година. Пред тоа беше тренер на Алавес, Атлетик и шпанските младински тимови. зс/

Фото: ЕПА