Скопје, 26 јуни 2025 (МИА) - На полициски службеници им била зголемена членарина за синдикат, а немаат можност за отчленување, информираше Гоце Делчев - Тодев, генерален секретар на Конфедерација на синдикалните организации на Македонија (КСОМ), на денешната прес-конференција во Скопје.

Над двесте лица од целата држава сакале да се отчленат од спорниот гранков синдикат на КСОМ. Но, како што беше кажано на прес-конференцијата, отчленувањето им било оневозможено.

- Членовите на овој гранков синдикат не се задоволни од новото раководство. Бараме објаснување зошто толку луѓе се држат во заложништво. Бараме да се одржат избори и да се види колку луѓе сакаат да се отчленат од синдикатот, рече тој.

Спорниот синдикат, како што рече тој, веќе не е дел од КСОМ. 

Шумскиот полицаец Ферди Алиу рече дека поднеле барање за отчленување од спорниот синдикат, но, досега не добиле одговор. 

Од прес-конференцијата беше побарано и да се посвети повеќе внимание на шумските полицајци, како на пример да добијат нови возила, оние кои имаат неопходна потреба од тоа. бд/са/

Фото: МИА