Кичево, 22 март 2022 (МИА) - Во текот на вчерашниот ден вработените од Територијалната противпожарна единица (ТППЕ) од Кичево имаа интервенции на два опожарени оџаци, едниот во населба Ламели а вториот на улица „Јордан Пиперката“. Поголем проблем на пожарникарите им создаде опожарениот оџак во населба Ламели, бидејќи се работеше за пожар на поголема височина, шести кат и беа потребни три часа за пожарот целосно да се ликвидира, потврди командирот Горан Соколески. -Поради нередовното чистење на оџаците, последните неколку години се регистрирани зголемен број на пожари на оџаци како во градот така и во селата. Нашите апели за редовно одржување на оџаците како да не допираат до граѓаните, вели командирот Соколески. Од неисчистените саѓи и високата температура во оџаците, тој појасни дека се создава емулзија, којашто придонесува оџакот да пукне, а пожарите да бидат многу почести. Така вчера, Соколевски додава дека им биле потребни три часа за да го ликвидираат пожарот во населба Ламели, а единствената причина за овој пожар е нередовното чистење на оџакот. за/ки/