Во Аеродром се одржаа пензионерски спортски натпревари
- На спортското игралиште во основното училиште „Александар Македонски“, во општина Аеродром вчера се одржаа 25. Регионални спортски натпревари. Учествуваа над 200 пензионери од пензионерските
![Во Аеродром се одржаа пензионерски спортски натпревари](https://mia.mk/images/20221108161904_big_730x400_5.webp )
Скопје, 13 септември 2021 (МИА) – На спортското игралиште во основното училиште „Александар Македонски“, во општина Аеродром вчера се одржаа 25. Регионални спортски натпревари. Учествуваа над 200 пензионери од пензионерските здруженија од Скопје.
-Пензионерските спортски игри, што ги организираше здружението на пензионери „Солидарност – Аеродром“ со поддршка на Општината, содржеа пет дисциплини, трчање на 60 метри за жени и 80 метри за мажи, фрлање ѓуле, шутирање пенали на мали голчиња, шутирање кошеви и скок во далечина од место, информира Општина Аеродром.
Традиционалните спортски игри на пензионерите се организираат секоја година со цел да им овозможи дружење и социјализација на оваа категорија граѓани. ки/дма/
![](/articles/images/vo-aerodrom-se-odrzhaa-penzionerski-sportski-natprevari/XTnt9hAnZ/placeholder.webp?use_watermark=0)