Џенова, 19 ноември 2024 (МИА) - Италијанските медиуми тврдат дека Џенова му се заблагодарила на Алберто Џилардино за соработката, а неговото место ќе го пополни Французинот Патрик Виеира.

Поранешниот италијански центарфор го презеде кормилото на „грифоните“ во летото 2022 година и ја предводеше Џенова до промоција во Серија „А“ пред минатата сезона. Сепак, само 10 бода за 12 кола се премалку за пласман над зоната за испаѓање од елитниот ранг на италијанскиот фудбал.

Виеира, некогаш капитен на Арсенал, има искуство во менаџирање на Њујорк Сити, Ница и Кристал Палас, а до ова лето работеше како шеф на стручниот штаб на Стразбур.

Доколку се оствари прогнозата, 48-годишниот Сенегалец повторно ќе соработува со Марио Балотели, со кого во сезоната 2010/11 беше соиграч во Манчестер Сити. дс

Фото: Архива