„Велешка питијада“ од 7 до 8 октомври

Велес, 6 октомври 2022 (МИА) - Општина Велес по три години пауза од 7 до 9 октомври повторно ќе ја организира „Велешката питијада“, традиционалниот фестивал на велешка пита пастрмајлија и македонски вина од Велес и целото Повардарие. Освен пита и вкусни македонски вина ќе има и музика со настап на познати македонски пејачи и групи од народната и забавната музика, и други интересни содржини како изложба на стари коли - олдатјемри во сабота и претставување и сечење на џиновската пита пастрмајлија во недела во 16 часот.

Манифестацијата како и порано ќе се одржи на главната улица „Благој Ѓорев“ во близина на кафитериите и кај култното место „Панини“, а наспроти ќе биде поставена и бината за настап на учесниците.

На манифестацијата се пријавиле 13 угостители од градот кои договориле и единствена цена од 200 денари на питата пастрмајлија за стандардна големина. Воедно бројните винарии од Велешко и цело Повардарие на посетителите ќе им нудат и квалитетни македонски вина по 50 денари за чаша.

За сите гости од други градови паркинзите за возила во Велес и во овие денови ќе бидат бесплатни, а градоначалникот Марко Колев апелира до велешани како добри домаќини за помалку сообраќај во градот да не ги возат своите автомобили за време на питијадата.

Сообраќајот како и на поранешните манифестации ќе го регулира сообраќајната полиција од СВР Велес, по точно утврден режим, а за што издаде и соопштение во медиумите.

Во забавниот дел од манифестацијата секој ден од 18 часот ќе настапат познати македонски фолк и поп рок пејачи и групи: во петок Миле Кузмановски,The hounds, ДНК, Нокаут, во сабота од 18 часот детската група од Дајте музика, Наум Петрески и Зуица Лазова, Фолтин и Каролина Гочева. Во недела 5 + бенд, Сузана Спасовска, Академци, Љубојна+Brass Fantasy и Лозано.

Градоначалникот Колев потенцира дека прават напори да го вратат некогашниот сјај на манифестацијата „Велешка питијада“ односно на посетителите да им понудат вкусни и пресно подготвени пити пастрмајлии и добра забавно-музичка програма и други интересни содржини, како дополнување на манифестацијата. Целта е понатаму манифестацијата да придонесе за развој на туризмот и привлекување на посетители и од други земји, потенцираат организаторите.ад/

„Велешка питијада“ од 7 до 8 октомври

Тагови

Можно е и ова да ти се допаѓа

„Зимска бајка“ во Општина Ѓорче Петров

ВМРО-ДПМНЕ: Морбидно е партијата која ја води човекот во чие време живи гореа пациенти во модуларната болница да зборува за жртви во здравство

Куртулмуш за МИА: Максимално ќе ги искористиме сите можности кои ги нуди парламентарната дипломатија

Изминатата седмица санкционирани 155 непрописно паркирани возила на територија на Центар

АД МЕПСО го раскина договорот со изведувачот на проектот за 400 киловолтна интерконекција со Албанија

„Украдени животи“ – нов истражувачки документарен филм на ИРЛ

Ангеловска-Бежоска − Васле: Mакропрудентните мерки ја зајакнаа финансиската стабилност

Водата во Скопје санитарно исправна, вонреден мониторинг по завчерашниот прекин на снабдувањето

Избор на уредникот

Куртулмуш за МИА: Максимално ќе ги искористиме сите можности кои ги нуди парламентарната дипломатија

„Велешка питијада“ од 7 до 8 октомври

Тагови

Можно е и ова да ти се допаѓа

Избор на уредникот

Остани поврзан