Техеран, 1 март 2026 (МИА) - Министерот за надворешни работи на Иран, Абас Арагчи, за Еј-Би-Си Њуз изјави дека иако Иран „изгубил некои команданти... ништо не се променило во нашата воена способност“.

„Токму ова се случи минатиот пат“, вели тој, осврнувајќи се на израелските и американските напади во јуни минатата година.

„Тие убија некои од нашите врвни команданти, но тие беа заменети многу брзо и за помалку од 12 часа, можевме да започнеме со одмазда“, вели тој. „Овој пат, тоа беше уште побрзо“.

На прашањето дали е сè уште можно да се постигне договор со САД, Арагчи рече: „Вие одговорете на ова прашање“.

Тој вели дека иранските и американските делегации имале „многу добри разговори во Женева“ минатиот четврток, а состанокот во Виена потоа се очекуваше да се одржи во понеделник. Но, „оние кои се против мирот... решија да го расипат“, вели тој. мс/

фото: ЕПА архива