Активности под мотото „Заедно за еден поинаков прв училиштен ден“ во Делчево
- Под мотото „Заедно за еден поинаков прв училиштен ден“, традиционално и годинава на почетокот на учебната година, Јавната локална библиотека „Илинден“ и Општина Делчево подарија училиштен при
![Активности под мотото „Заедно за еден поинаков прв училиштен ден“ во Делчево](https://mia.mk/images/20221113203843_big_730x400_62.webp )
Делчево, 24 август 2022 (МИА) - Под мотото „Заедно за еден поинаков прв училиштен ден“, традиционално и годинава на почетокот на учебната година, Јавната локална библиотека „Илинден“ и Општина Делчево подарија училиштен прибор и пакети на учениците кои учат во делчевските воспитно-образовни установи.
Годинава, како што информира директорката Биљана Петровска, библиотеката се одлучила да им додели подароци на четири дечиња од социјално ранливи семејства, кои живеат во Црквенец и Илиово.
![Делчево библиотека](/articles/images/%d0%b0%d0%ba%d1%82%d0%b8%d0%b2%d0%bd%d0%be%d1%81%d1%82%d0%b8-%d0%bf%d0/7xwmoGSzT/placeholder.webp?use_watermark=0)
- Јавната локална библиотека „Илинден“, со многу љубов и внимание им спакува патеки со разновиден школски прибор, сакајќи почетокот на новата учебна година да го започнат со радост и среќа и да имаат се, што на првиот училишен час ќе имаат сите други деца. Овие деца не само што се во тешка социјално - економска состојба и ги одгледуваат самохрани родители, тоа се и дечиња кои поминале низ семејно насилство, трауми и скоро секојдневно преживување, и имаат потреба од помош, рече Петровска.
Општина Делчево, пак, за дечињата подготви пакети со храна и хигиенски стредства.
- Целта е барем за момент овие дечиња да заборават на грижите и да се израдуваат. Затоа што секое дете заслужува да биде среќно и безгрижно. Детската насмевка, радоста и задоволството на нашите деца секогаш треба да ни биде приоритет, додадоа од Општина Делчево.
Пакетите утрово се доставени до деветолетката „Ванчо Прке“ и директорот на училиштето кој понатаму ќе ги достави до дечињата. вс/дма/