Shkup, 9 janar 2025 (MIA) - Valë e ftohtë me reshje shiu dhe bore, paralajmëron DPHM për ditët në vijim. Nesër në fund të ditës do të ketë reshje lokale shiu në pjesët perëndimore dhe veriore. Ditën e shtunë do të mbizotërojë mot me vranësira të ndryshueshme me reshje të kohëpaskohshme shiu, kurse në male e në disa vende më të larta me borë. Të dielën do të mbajë mot i vranët dhe i ftohtë me reshje që për shkak të zbritjes së masës ajrore më të ftohtë me erë të fortë veriore në pjesën më të madhe të vendit do të jetë me borë dhe vende-vende më të bollshme.

Në disa vende pritet të formohet shtresë dëbore, ndërsa në male të rritet konsiderueshëm. Për shkak të temperaturave të ulëta do të ketë edhe ngrica.

Ditën e hënë do të ketë borë të herëpashershme, e më pas do të mbizotërojë mot stabil dhe i ftohtë me temperatura të mëngjesit të cilat kudo do të jenë negative, ndërsa të ditës do të mbeten nën zero.

Në Shkup të shtunën do të ketë reshje të kohëpaskohshme shiu, ndërsa në malet përreth borë. Të dielën do të jetë me vranësira dhe ftohtë me erë mesatare deri të fortë nga veriu dhe reshje të herëpashershme bore. Pritet të krijohet një shtresë më e vogël dëbore. ls/

Foto: MIA