Shkup, 30 maj 2023 (MIA) - Në vitin 2022 janë identifikuar nëntë viktima të trafikimit me qenie njerëzore, tetë prej tyre femra dhe një mashkull. Numri më i madh i tyre janë fëmijë - shtatë të moshës nga 14 deri në 17 vjeç. Sipas llojit të shfrytëzimit, shumica e rasteve identifikohen si martesa të detyruara - gjashtë persona, ndërsa dy janë identifikuar si shfrytëzim seksual, njëri prej të cilëve është shfrytëzim onlajn. Këtë vit tre vajza ishin cak i shfrytëzimit seksual, informoi ministrja e Punës dhe Politikës Sociale Jovanka Trençevska në konferencën e sotme rajonale kushtuar parandalimit dhe luftës kundër trafikimit me njerëz.

Sipas ministres, ata duhet të mbrohen më mirë dhe të ndihmojnë viktimat. Theksoi se ka më shumë shërbime për të mbështetur viktimat, për të rregulluar gjendjen e tyre dhe për t'i ndihmuar ata të shërohen. Qendra për viktimat e Trafikimit me qenie njerëzore po funksionon siç duhet me kapacitet të plotë për t'u kujdesur për gjashtë persona.

MPPS-ja, siç shtoi, ka rritur mbështetjen financiare për Qendrën për viktimat e trafikimit me qenie njerëzore dhe financon plotësisht shërbimin e ofruar nga shoqata “Porta e Hapur”. Për shkak të traumave të thella të pësuar, sipas Trençevskës, ka nevojë për një njohje më të madhe se puna e rehabilitimit nuk mund të jetë një program i shkurtër, por kërkon një investim afatgjatë për të ofruar ndihmën, mbështetjen, trajtimin, trajnimin e nevojshëm që viktimat të fillojnë një jetë normale, produktive dhe autonome.

Ai investim, shton Trençevska, duhet të përfshijë një zgjerim të konsiderueshëm të objekteve akomoduese, duke siguruar kthimin e sigurt të viktimave të trafikimit të qenieve njerëzore, ndërsa parandalimi i riviktimizimit të tyre është një komponent kyç i luftës kundër trafikimit të qenieve njerëzore. Si e tillë, tha ministrja, ajo kërkon një përgjigje të koordinuar nga aktorët shtetërorë, agjencitë ligjzbatuese dhe organizatat e shoqërisë civile të vendeve të prekura, si dhe bashkëpunimin e aktorëve dhe organizatave ndërkombëtare.

MPPS-ja përmes Sektorit për mundësi të barabarta, Departamentit për barazi gjinore, ka rolin e koordinatorit të Mekanizmit kombëtar për referimin e viktimave të trafikimit me qenie njerëzore, i cili përfaqëson një kuadë bashkëpunimi dhe një qasje të koordniar ndërmjet shërbimeve sociale, policisë dhe sektorit civil.

"Progres i rëndësishëm është bërë në identifikimin dhe përballjen me shumë nga faktorët socialë, ekonomikë, kulturorë, politikë që i bëjnë njerëzit të pambrojtur ndaj trafikimit të qenieve njerëzore, por edhe në formulimin e politikave dhe programeve gjithëpërfshirëse dhe në zhvillimin e fushatave edukative dhe ndërgjegjësuese. Kemi krijuar pesë ekipe mobile në Shkup, Manastir, Kumanovë, Gjevgjeli dhe Tetovë për identifikimin e kategorive të rrezikuara të qytetarëve, përfshirë viktimat e trafikimit me qenie njerëzore. Përbërja e ekipeve mobile përfshin përfaqësues të qendrave të punës sociale, përfaqësues të Ministrisë së Punëve të Brendshme, Njësisë Kombëtare për Luftën kundër Trafikimit të Qenieve Njerëzore dhe përfaqësues të shoqatave të qytetarëve. Gjatë punës së tyre, këto ekipe arritën rezultate të jashtëzakonshme dhe njihen si shembull i mirë jo vetëm në vendin tonë por edhe në rajon", nënvizoi Trençevska. ls/

Foto: MIA

фото: МИА