Prishtinë, 16 korrik 2024 (MIA) - Shefi i Zyrës së Bashkimit Evropian në Kosovë, Tomash Suniog, deklaroi se Kosova duhet ta dërgojë draftin ndërkombëtar për Asociacionin e Komunave me Shumicë Serbe në vlerësim në Gjykatën Kushtetuese dhe se tre udhëheqësit e shtetit premtuan se do ta themelojnë, informon korrespondeti i MIA-s nga Prishtina. 

Në intervistën e sotme për portalin "Ekonomia onllajn", Suniog tha se formimi i Asociacionit është detyrim ndërkombëtar dhe juridik i Kosovës, për të cilin vendi u pajtua në vitin 2013, ndërsa i cili ishte ratifikuar edhe nga Kuvendi i Kosovës me shumicë kushtetuese. 

Ai ka thënë se BE-ja ka propozuar draftin për Asociacionin, për të cilin u shpreh se kryeministri Albin Kurti ishte i gatshëm që ta nënshkruante dhe ta pranonte në tetor të vitit të kaluar.

Suniog ka theksuar se ky draft respekton vijat e kuqe të të dyja palëve dhe se drafti duhet të dërgohet në Gjykatën Kushtetuese. 

"Asociacioni i komunave me shumicë serbe është obligim i Kosovës, që nuk është e re. Për themelimin e tij tashmë është rënë dakord në vitin 2013. Kjo marrëveshje është ratifikuar edhe nga Kuvendi i Kosovës me shumicë kushtetuese. Pra, nga ky këndvështrim, është obligim ndërkombëtar i Kosovës, por është obligim ligjor vendor që të themelojë Asociacionin. Ne si Bashkim Evropian kemi propozuar një draft. Kuptimi im është se kryeministri Kurti në fakt ishte i gatshëm ta pranonte këtë draft dhe ta nënshkruante tetorin e kaluar. Pra, nga ky këndvështrim besojmë se ky është një draft i mirë, duke respektuar vijat e kuqe të të dyja palëve. Besojmë se duhet marrë dhe dërguar në Gjykatën Kushtetuese në atë mënyrë që të jetë e pranueshme dhe Gjykata Kushtetuese mund të vendosë për këtë", tha Suniog.

Ambasadori i BE-së në Kosovë ka thënë se të tre krerët e shtetit, presidentja Vjosa Osmani, kryeministri Albin Kurti dhe kryeparalmetari Glauk Konjufca, kanë premtuar themelimin e Asociacionit në letrën e përbashkët të nënshkruar nga ta dërguar Këshillit të Evropës, premtuan formimin e Asociacionit.

Për këtë ai ka thënë se Asociacioni duhet themeluar dhe sa më shpejt të bëhet kjo, sipas tij, aq më mirë do të jetë për përparimin e Kosovës në rrugën për t’u bërë anëtare e BE-së.

"Por përsëri, ky është vetëm hapi i parë në procesin e themelimit të Asociacionit. Dhe përsëri, mirëkuptimi im është gjithashtu se në këtë letër të përbashkët të nënshkruar nga presidentja, kryeministri dhe kryetari i Kuvendit, dërguar Këshillit të Evropës majin e kaluar, tre liderët kushtetues të Kosovës në fakt premtuan themelimin e Asociacionit. Kështu që unë mendoj se kjo është diçka që duhet bërë. Sa më shpejt të bëhet kjo, aq më mirë për përparimin e Kosovës në rrugën për t’u bërë anëtare e BE-së", ka thënë ai. 

I pyetur për tri kushte e vendosura nga kryeministri Albin Kurti në takimin e fundit të dialogut në Bruksel, ka thënë se shumë takime e diskutime në lidhje me zbatimin e marrëveshjeve janë vërtetë të rëndësishme për Kosovën.

Ai ka thënë se marrëveshja e dakorduar në Bruksel, është qartazi një marrëveshje e bazuar në të drejtën ndërkombëtare.

"Pra, nga ky këndvështrim, mendoj se ka një interes të qartë të Kosovës, por edhe, natyrisht, një interes të qartë të Serbisë që të ketë realisht, për të arritur normalizimin e plotë, që do të thotë, së pari të gjitha, zbatimi i marrëveshjes nga shkurti 2023, por edhe të gjitha marrëveshjeve të mëparshme. Dhe kjo është diçka që duhet bërë sa më shpejt të jetë e mundur. Pra, nga këndvështrimi im, më shumë takime, më shumë diskutime dhe më shumë marrëveshje janë vërtet të rëndësishme për Kosovën", deklaroi Suniog për "Ekonomia onllajn". fc/