SHK "Vizioni M" organizon Javën Çame në Shkup
Shkup, 23 qershor 2025
Shoqata Kulturore "Vizioni M" – Shkup tashmë pesë vite me radhë është koorganizator i aktiviteteve të Javës Çame në Shkup e cila shënohet në përkujtim të gjenocidit çam, që këtë vit organizohet nën moton "Trëndafili i Çamërisë".
Në vigjilje të Javës Çame 2025 në Shkup, në kuadër të shënimit të 81 vjetorit të gjenocidit, ju ftojmë të ndiqni aktivitetet që do mbahen si në vijim:
1. 24 QERSHOR (E MARTË) – Tribunë: Zëri i të mbijetuarve, e vërteta e mohuar e genocidit të Çamërisë
Tribuna mbahet me fillim nga ora 18:00 në Hotel Bushi, ku paneliste janë Luljeta Progni, gazetare hulumtuese dhe redaktore, si dhe Admirina Peçi, gazetare hulumtuese dhe studiuese e çështjeve historike.
2. 25 QERSHOR – (E MËRKURË) KARVAN ME VETURA TË ZBUKURUARA ME SIMBOLE ÇAME DHE KOMBËTARE
Karvani është paraparë të fillojë në ora 13:30 nga Bul. Hristijan Todorovski Karposh (pranë trafostacionit të SHA MEPSO) dhe të përfundojë pranë Sheshit “Skënderbeu”.
SHK "Vizioni M"
___________________________________________________________________________________________________
MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.
