Moskë, 20 shkurt 2024 (MIA) - Presidenti rus Vladimir Putin ka avancuar një zyrtar të lartë të burgut disa ditë pas vdekjes së liderit kryesor të opozitës Aleksej Navalni, njoftoi DPA.

Zëvendësshefi i Shërbimit Ndëshkues Federal (FSIN) Valeri Bojarinev u avancua në gradën e gjeneral-kolonel në Ministrinë e Punëve të Brendshme 

Drejtori i Fondit për Luftë Kundër Korrupsionit, organizata e themeluar nga Navalni,  në Telegram ka shkruar  se Bojarinev ishte personalisht përgjegjës për torturimin eopozitarit në burg. 

 "Kjo duhet të kuptohet si një shpërblim i hapur nga Putini për torturën", tha Ivan Zhdanov.

Sipas tij, gjeneral-koloneli i sapoemëruar ka qenë përgjegjës për ngacmimet e njëpasnjëshme të Navalnit. 

Për avancimin e Bojarinevsot u mësua  pasi shaplljes të dekretit përkatës presidencial   në bazën e të dhënave ligjore të Kremlinit. Përveç tij, me gradën gjeneral janë ngritur edhe tre nëpunës të tjerë të policisë. 

Zëdhënësi i Kremlinit Dmitri Peskov, mohoi çdo lidhje midis vdekjes së Navalnit dhe avancimeve. 

Navalni (47) vdiq të premten në një koloni burgu në Siberi. 

Foto: Arkivi i MIA-s