Teheran, 12 nëntor 2024 (MIA) - Nënpresidenti i parë i Iranit, Muhamed Reza Aref ftoi princin saudit të kurorës Mohamed bin Salman ta vizitojë Teheranin, duke thënë se rruga e re që u hap për zhvillim të marrëdhënieve ndërmjet Teheranit dhe Riadit është e "pakthyeshme", publikoi agjencia gazetareske iraniane.

Aref këtë e tha gjatë bisedës me princin saudit të kurorës në margjinat e samitit të jashtëzakonshëm të Organizatës për bashkëpunim islamik dhe Ligës Arabe.

"Nuk ka dyshim se përfitimet e këtij thellimi të marrëdhënieve do t'i përfshijnë jo vetëm Iranin dhe Arabinë Saudite, por gjithsesi, duke i marrë parasysh karakteristikat dhe ndikimin e dy vendeve të mëdha ndaj rajonit dhe botës islamike, kjo do të çojë në zhvillimin e bashkëpunimit rajonal dhe solidaritetit ndërmjet popujve islamik", tha Aref.

Aref shprehu shpresë se marrëdhëniet e mira politike do të ndiqen me zgjerim në fushën e ekonomisë, kulturës, shkencës dhe teknologjisë.

Mohamed bin Salman nga ana e tij lartë i vlerësoi pozitat e nënpresidentit iranian dhe e falënderoi ministrin iranian të Punëve të Jashtme për përpjekjet e tij gjatë negociatave me homologun e tij saudit. sa/

Foto: EPA