Los Anxhelos, 12 korrik 2024 (MIA) - Pronarët e telefonave "Ajfon" (iPhone) në dhjetëra vende të botës po paralajmërohen për sulme të mundshme nga softueri spiun.

Kompania prodhuese "Epll" (Apple) ka paralajmëruar përdoruesit e prekur që të mos zbulojnë asnjë të dhënë personale shtesë, pasi kjo mund të ndihmojë hakerët të shmangin zbulimin. Korporata lëshoi ​​një paralajmërim për përdoruesit në 98 vende në lidhje me kërcënimet e mundshme. Theksohet se situata është serioze dhe apelohen përdoruesit që ta kenë parasysh këtë paralajmërim. Nuk janë dhënë detaje rreth sulmeve të mundshme.

Ky është paralajmërimi i dytë i tillë këtë vit. Më herët u publikua në prill për përdoruesit në 92 vende.

"Epll" pretendon se regjimi i tij për bllokim mund të parandalojë softuerin spiun, por mund të ndikojë në funksionimin normal të pajisjeve.

Përdoruesit këshillohen të kujdesen për shenjat e pranisë së mundshme të softuerit spiun, të tilla si punë e ngadaltë ose aplikacionet anonime në pajisje.

Për të zbutur ndikimin e menjëhershëm, rinisja e pajisjes mund të ndalojë përkohësisht softuerin spiun. Në mënyrë shtesë, përdoruesit këshillohen që nëse nuk kanë softuerin më të fundit të kërkuar - të shkarkojnë dhe instalojnë përditësimet. rq/

Foto: arkivi i MIA-s