Shkup, 12 korrik 2024 (MIA) - Këto janë një nga kushtet më të mira që mund të sigurohen dhe le të mendojnë qytetarët nëse dikush mund të marrë kushte të tilla nga ndonjë bankë, theksoi Aleksandar Nikolloski, zëvendëskryeministër dhe ministër i Transportit dhe Lidhjeve, duke folur për 500 milionë eurot që Maqedonia do të marrë si hua nga Hungaria.

Në emisionin në televizionin Alfa, ai sqaroi se për kredinë në shumën prej 500 milionë euro kemi një periudhë grejs tre vjeçare, ndërsa afati total i shlyerjes është 15 vjet dhe kamata është vetëm 3.25 për qind, që sipas tij është historikisht norma më e ulët e interesit.

Ministri Nikolloski shtoi se është edhe më e rëndësishme, ndërsa e paralajmëroi kryeministri Hristian Mickoski që me Hungarinë të vendoset një bashkëpunim strategjik ekonomik që do të thotë se Maqedonia do të ketë mundësi në vitet në vijim përmes këtij bashkëpunimi të shfrytëzojë mjete të tjera.

"Pse na duhen këto fonde? Këto fonde janë kryesisht për të mbështetur ekonominë. Në të njëjtat kushte me të cilat i marrim këto fonde, do t'i vendosim në ekonomi. Kjo është për 250 milionë eurot e para, ndërsa 250 milionë euro të tjera do t'i përdorim për komunat për zhvillimin e komunave. Është arritur një marrëveshje e shkëlqyer dhe Hungaria tregoi se është një nga miqtë më të mirë të Maqedonisë. Viktor Orban tregon një vizion të mrekullueshëm për Maqedoninë. Interesi i vetëm i Hungarisë është një Maqedoni e qëndrueshme, një Maqedoni e zhvilluar. Interesi i tyre është që Maqedonia të bëhet anëtare e BE-së", theksoi Nikollovski. 

Nikolloski iu referua edhe akuzave nga partia politike LSDM për mjetet e huazuara.

"Vetëm në kuptimin e LSDM-së është mirë që Maqedonia të marrë më shumë borxhe. Prandaj e kanë futur në borxh Maqedoninë aq sa e kanë bërë. Vetëm në kuptimin e LSDM-së është më mirë të kemi një kamatë më të lartë se sa më të ulët. Dhe vetëm në kuptimin e tyre për një periudhë më të shkurtër se më të gjatë kthimi, prandaj LSDM i humbi zgjedhjet dhe përjetoi fiasko", theksoi ndër tjerash Nikollovski. qa/

Foto: arkivi i MIA-s