Dushanbe, 29 mars 2024 (MIA) - Komiteti shtetëror për siguri kombëtare i Taxhikistanit ka arrestuar nëntë persona, që beson se janë të lidhur me të dyshuarit për sulmin në sallën e koncerteve në Moskë.

Agjencitë botërore, duke iu referuar burimeve në forcat e sigurisë së Taxhikistanit, deklarojnë sot se të dyshuarit janë arrestuar edhe për shkak të lidhjeve të tyre me degën e organizatës terroriste Shteti Islamik në Horasan (ISIS-K).

Sipas informacioneve të tyre, të gjithë nëntë personat janë arrestuar më 25 mars në qytetin Vahdat dhe jan; dërguar në Dushanbe.

Komiteti hetues i Rusisë dje kumtoi se u arrestua edhe një tjetër person, i dyshuar si pjesëmarrës në financimin e sulmit në Moskë. rq/bsh/

Foto: Arkivi i MIA-s