Vjenë, 30 shtator 2024 (MIA) - Në zgjedhjet e djeshme parlamentare në Austri fitoi Partia e së djathtës ekstreme, Partia e Lirisë (FPO), duke fituar rreth 29 për qind të votave. 

Në zgjedhje kanë votuar 6,3 milionë qytetarë (78 për qind), ndërsa në fushatë dominuan çështje për migrimin dhe azilin, problemet ekonomike dhe lufta në Ukrainë.

Sipas votave të fituara, FPO duhet të kishte 56 nga gjithsej 183 deputetë, ndërsa konservatorët do të merrnin 52, ndërsa socialdemokratët 41 deputetë.

Por, nëse FPO do të gjejë një partner për të formuar një koalicion të qëndrueshëm, mbetet një pyetje e hapur, pasi liderët e partive nuk janë në disponim për të bashkëpunuar me një parti me ideologji naziste.

FPO u formua në vitet 1950 nga ish-anëtarë të SS dhe veteranë të tjerë nazistë, ndërsa fushata zgjedhore kishte në shënjestër të huajt, duke premtuar se do të ndërtonte një "fortesë Austri" për të mbajtur larg emigrantët.

Lideri i FPO-së, Herbert Kikl, u premtoi votuesve se nëse do t'i jepnin fitoren, ai do të shërbente si "Volkskancelar" (Volkskanzler) ose "kancelar i popullit", një pseudonim i përdorur nga Adolf Hitleri.

Edhe pse FPO e minimizon të kaluarën e saj naziste dhe përpiqet të paraqesë veten si një alternativë anti-establishment ndaj të djathtës dhe qendrës së majtë kryesore, ajo përdor vazhdimisht slogane fashiste antisemite.

Fitorja e FPO-së u prit me entuziazëm nga partitë e djathta evropiane.

Liderja e partisë së tubimit francez kombëtar, Marine Le Pen shkroi në Platformën Iks: “Pas zgjedhjeve në Itali, Holandë dhe Francë, kjo valë, e cila mbështet mbrojtjen e interesave kombëtare, ruajtjen e identitetit dhe ringjalljen e sovranitetit, kudo konfirmon triumfin e popullit." .

Fitorja e FPO-së për liderin e Alternativës së djathtë për Gjermaninë (AfD), Bjorn Hoke, është një sensacion.

"Fitorja e FPO-së nuk është vetëm një fitore për Austrinë - ajo shkon përtej kufijve të asaj republike alpine dhe është një shenjë e mirë e përparimit për të gjithë Evropën", publikoi Hoke në X. ls/

Foto: EPA