1 prill 2025 (MIA)

1258. - Midis Despotit të Epirit, Mihali i Dytë dhe mbretit Manfred nga shtëpia Hoanshtafën që sundonte në Italinë e Jugut si biri i perandorit gjerman, u lidh një aleancë ushtarake që u përforcua me martesën e së bijës së Despotit me Manfredin. Si prikë, dhëndrit iu dorëzuan ishulli i Korfuzit, kështjella e Sopotit dhe Butrinti si dhe qytetet kryesore të bregdetit shqiptar Durrësi, Berati dhe Vlora.

1572. - Holandezët filluan luftë për pavarësi nga Spanja.

1815. - Lindi princi Oto Von Bismark. I caktuar si kancelari i parë i Gjermanisë së bashkuar në vitin 1871, ai kryesoi Kongresin e Berlinit në vitin 1878 dhe u bë i njohur si "kancelari i hekurt".

1873. - Lindi kompozitori dhe pianisti virtuoz rus, Sergei Rahmaninov. Ai njihet gjerësisht për preludet e tij dhe për muzikën për piano dhe orkestër, duke përfshirë "Rapsodinë mbi temën e Paganinit". Ai i ka luajtur shumë nga veprat e tij si solist.

1918. - Në Britani të Madhe është formuar Aviacioni mbretëror.

1924. - Një gjykatë e dënoi Adolf Hitlerin me pesë vjet burg për tradhëti të lartë pas puçit të dështuar të vitit 1923. Ai u lirua më 20 dhjetor.

1933. - Në Gjermani, shteti urdhëroi bojkotimin e tregtarëve hebrej dhe konfiskoi llogaritë bankare të tyre.

1939. - Gjemerali Francisko Frano shpalli se lufta qytetare në Spanjë ka përfunduar dhe se SHBA e ka njohur qeverinë e tij. Në luftën e humbën jetën më shumë se një milion persona, ndërsa Franko pastaj në mënyrë diktatoriale sundoi 36 vjet.

1945. - Një ofensivë e ndërmarrë nga 50 mijë ushtarë amerikanë, të drejtuar nga gjenerali Bukner kundër ishullit japonez të Okinavës, paralajmëroi për fillimin e betejës së fundit të madhe të Paqësorit. Ajo përfundoi më 2 korrik, ku mbetën të vrarë 7 mijë trupa amerikane dhe 100 mijë japoneze.

1947. - Vdiq mbreti grek, Jorgos II. Ai ishte mbret nga viti 1922-24 dhe u rivendos dy herë në fron, së fundi në vitin 1946. Ai u pasua nga vëllai i tij Pauli I.

1951. - Formohet arkivi i Maqedonisë - Dita e arkivistëve të Maqedonisë.

1968. - Vdiq fizikanti rus Lav Davidoviç Landa, njëri ndër fizikantët më të mëdhenj në shekullin 20, babai i shkollës sovjetike për fizikë teorike.

1998. - Kabineti izraelit miratoi rezolutën 20 vjeçare të OKB-së me numër 425 për tërheqjen e trupave të tij nga Libani i Jugut, por me kushte.

1999. - Antoni Savonjuk u dënua me burgim të përjetshëm në gjyqin e parë britanik mbi krimet e luftës pasi u gjet fajtor për vrasjen e hebrejve gjatë Luftës së Dytë Botërore.

2001. - Ish presidenti jugosllav Sllobodan Millosheviq arrestohet në Beograd.

2004. - Hyri në fuqi Marrëveshja për stabilizim dhe asociim pas ratifikimit nga ana e të gjitha vendeve-anëtare të Bashkimit Evropian.

2009. - Shqipëria dhe Kroacia edhe formalisht u bënë anëtare të plotëfuqishme të Aleancës së NATO-s.

2012. - Në moshën 77 vjeçare vdiq ish presidenti i Meksikos Migel de la Madrid. Shkaku për vdekjen nuk është e njohur. Migel de la Madrid ishte president nga viti 1982 deri në vitin 1988.

###