Athinë, 27 korrik 2023 (MIA) - Situata me zjarret në zonën e Magnisia në Greqinë qendrore ka dalë jashtë kontrollit, pasi zjarret kanë rënë në afërsi të Volos dhe Lamias pasditen e sotme, zjarri ka përfshirë edhe një depo me municione të aviacionit ushtarak dhe dëgjohen shpërthime, ndërsa në të njëjtën kohë janë evakuuar banorët e një numri vendbanimesh, lajmëroi korrespondentja e MIA-s nga Athina.

Për shkak të erës së fortë zjarri u përhap me shpejtësi dhe arriti në zonën ushtarake dhe përfshiu edhe depon, e cila u pasua nga shpërthimet, të cilat sipas mediave vendase ishin aq të forta sa në Volos dhe zonat përreth u thyen xhamat e shtëpive.

Nëpërmjet numrit 112 për emergjencat janë dërguar një sërë mesazhesh për evakuim parandalues ​​në disa vendbanime si në afërsi të Volosit ashtu edhe në afërsi të Lamisë, ndërsa njerëzit po evakuohen edhe përmes rrugës detare. sr/sa/

Foto: ANA-MPA