Shkup, 11 janar 2025 (MIA) – Moti sot do të jetë i ndryshueshëm me vranësira me reshje të kohëpaskohshme të shiut, në male dhe në vende më të larta të borës. Do të fryjë erë mesatare kryesisht nga drejtimi verior. 

Gjatë natës reshjet do të jenë më të rrëmbyeshme dhe në pjesët veriore do të kalojnë në borë edhe në vendet më të ulëta. Temperatura minimale do të lëvizë në interval prej 0 deri 5, ndërsa ajo maksimale do të lëvizë prej 4 deri 12 gradë. 

Në Shkup moti do të jetë kryesisht i vranët me shi të dobët të kohëpaskohshëm, ndërsa gjatë natës nga shiu dhe bora. Do të fryjë erë mesatare nga drejtimi verior. Temperatura minimale do të bie deri në 2, ndërsa ajo maksimale do të arrijë deri 6 gradë. 

Të dielën moti do të jetë i vranët me reshje të kohëpaskohshme të cilat për shkak të masës më të ftohtë ajrore me erë të fuqishme veriore do të jenë kryesisht të borës. 

Reshjet në disa vende do të jenë më të mëdha dhe në shumë vende pritet të formohet shtresë e borës, ndërsa në male të rritet dukshëm. Për shkak të temperaturave të ulëta do të ketë paraqitje të ngricave. 

Borë të kohëpaskohshme do të ketë edhe të hënën, ndërsa pastaj do të mbizotërojë mot i qëndrueshëm dhe i ftohtë. fc/

Fotografia: Arkivi i MIA-s