Londër, 17 prill 2024 (MIA) - Menaxheri i Vest Hem, Dejvid Mojs, bëri shaka se shpresonte që në Baer Leverkuzen kanë pirë shumë birrë për të festuar fitoren e titullit gjerman. Nesër, “çekanët” përballen me Baer Leverkuzenin në revanshin e çerekfinales së Ligës Evropiane.

"Aspirinët" kanë dy gola epërsi pasi e fituan ndeshjen e parë 2:0. Ata janë ende të pamposhtur që nga fillimi i sezonit.

"Është fantastike që u bënë kampionë dhe e meritojnë të festojnë. Të shpresojmë se ata kanë pirë më shumë nga ato birra të mëdha gjermane", tha Mojsi.

Trajneri skocez theksoi se ishte i kënaqur që Xhared Bovenin dhe Kalvin Fillipsin kishin rifilluar stërvitjen sot. Megjithatë, ai nuk ka konfirmuar se ata do të luajnë nesër.

"Javën e kaluar ishte një ndeshje e madhe kundër Leverkuzenit, ndërsa tani kemi një tjetër që vjen. Kur arrin në çerekfinale dhe gjysmëfinale, është emocionuese. Në ndeshjet evropiane, rezervat shpesh bëjnë diferencën", shtoi skocezi.  qa

Foto. Arkivi