Miratohet kërkesa e Koalicionit VLEN për interpretim autentik të ligjit për lojërat e fatit
- Shkup, 6 gusht 2024
- Post By Ajrije Rexhepi
- 15:46, 6 gusht, 2024
Shkup, 6 gusht 2024
Halil Snopçe - Deputet i Koalicionit VLEN:
"Sot, Komisioni Statutor-Ligjvënës konstatoi se kërkesa e grupit parlamentar të Koalicionit VLEN për interpretim autentik të ligjit për lojërat e fatit është e arsyeshme. Njëzëri, nga ana e të gjithë deputetëve të pranishëm u verifikua mendimi i Ministrisë së Financave që kishte konstatuar arsyeshmërinë e kërkesës sonë.
Me këtë u vërtetua dyshimi ynë se janë bërë abuzime nga ana e lotarisë me dhënie të licencave në mënyrë joligjore. Për këtë normalisht, ato që kanë dhënë firmat e tyre për dhënien e licencave duhet të përgjigjen. Kjo së shpejti do të konfirmohet edhe nga ana e Kuvendit, me çka do plotësohen kushtet për mbylljen e lojërave të fatit online."
________________________________________________________________________________________________________________
MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.