Shkup, 24 shkurt 2025 (MIA) - Kryeministri Hristian Mickoski dërgoi urim për fitoren e CDU-së në zgjedhjet parlamentare në Gjermani.

"Urime për fitoren e rëndësishme të CDU-së në zgjedhje. Ky sukses është vërtetim për besimin që qytetarët gjermanë e kanë në lidershipin dhe parimet mbi të cilat bazohet CDU - stabilitet, zhvillim dhe përkushtim ndaj vlerave të demokracisë kristiane evropiane. Së bashku të bashkëpunojmë për të mirën dhe prosperitetin e qytetarëve tanë. Evropa kërkon ndryshime", thekson Mickoski në urimin e publikuar në profilin e tij në Fejsbuk.

Sipas rezultateve nga zgjedhjet e djeshme në Gjermani, blloku konservator CDU/CSU i kryesuar nga Fridrih merc fitoi 29 për qind të votave, para partisë ekstreme-djathtiste Alternativa për Gjermaninë (AfD), e cila është në vend të dytë, me rreth 20 për qind të besimit. Socialdemokratët (SPD) e kancelarit Olaf Sholc janë tët retët me 16 për qind, e më pas Të Gjelbrit me 13,5 për qind të votave.

Në Bundestag hyjnë edhe Të Gjelbrit edhe E Majta, përderisa Partia e lirë demokratike (FDP) dhe Partia Maturi dhe drejtësi (BSV) e Sara Vagenknet janë nën pragun zgjedhor.

Jehona e në zgjedhje shënoi rekord, 84 për qind. ab/

Foto: МIА arkivi