15:00 / 12 mars / 2025

Shkup - Rreth 160 pacientë në vend janë në pritje të transplantit të veshkës. Aktualisht, 1657 pacientë janë në dializë në 23 qendra të dializës, të shtruar në 17 qytete. Pacienti më i ri në dializë ka qenë vetëm katër vjeç dhe, për fat, tani i është bërë transplanti. Pacienti më i ri që shkon në qendrën e dializës është 13 vjeç. Ata kërkojnë që Shoqata e Sëmundjeve të Veshkave “Nefron” të krijojë një strategji globale për të adresuar sëmundjen e veshkave, me theks në parandalimin dhe shqyrtimin e hershëm për zbulimin në kohë të sëmundjes. Nevojitet një sistem ku personat me sëmundje të veshkave të mund të ushtrojnë të drejtat e tyre pa u endur nëpër labirintet shëndetësore dhe sociale, me mbështetje psikosociale për pacientin dhe familjen, sepse është një sëmundje që prek familjen e gjerë, thonë nga “Nefron”.

Shkup - Deri te Këshilli i prokurorëve publikë ende nuk ka mbërritur  prononcimi i prokurorit publik të Republikës Ljupço Kocevski lidhur me propozimin e Qeverisë për shkarkimin e tij, i cili i është përcjellë, njofton kryetarja e Këshillit të Prokurorëve Publikë Dushica Dimitrieska. Dimitrieska sot në një deklaratë për media ka treguar se Këshilli ka afat prej 15 ditësh për të marrë vendim për propozimin e Qeverisë për shkarkimin e Prokurorit Publik të Republikës.  "Menjëherë, sapo të marrim përgjigjen nga prokurori publik, prononcimi i tij, do të veprojmë  me marrjen e vendimit", tha Dimitrieska.

Shkup - I akuzuari i dytë për vrasjen e Vanjës dhe Pançes, Velibor Manev, sot para Gjykatës Themelore Penale në Shkup tha se i njeh të gjithë të akuzuarit, përveç babait të vajzës së vrarë dhe se Ljupço Palevski Palço i ka koordinuar  rrëmbimet. Manev, duke iu përgjigjur pyetjeve të avokatit të tij mbrojtës, tha se mendonte se duhej ta kishin rrëmbyer Pançen dhe u habit kur Palço e qëlloi. I pyetur nga mbrojtësi i tij, avokati Goran Boshevski, nëse i njeh të akuzuarit, Manev tha se Bore Videvskin e ka njohur që nga fëmijëria, Ljupço Palevskin që nga viti 2018 dhe Vlatko Keshishev dy vjet e gjysmë, përfshirë edhe kohën e burgut.

Shkup - Drejtoria e të Ardhurave Publike sot i ka njoftuar ushtruesit e detyrës, gjegjësisht tatimpaguesit e regjistruar si tregtarë individualë, persona fizikë që merren me veprimtari bujqësore, zejtare dhe personat që ushtrojnë shërbime ose punë të pavarura, të cilët realizojnë të ardhura nga kryerja e një veprimtarie të përcaktuar në përputhje me nenin 19 të Ligjit për tatimin mbi të ardhurat personale, se po afrohet afati i fundit për dorëzimin e Bilancit tatimor vjetor (formulari "DLD-DB") dhe Bilancin e të hyrave dhe të dalave (formulari "B").

Shkup - Deklaratë solemne sot para Këshillit të Prokurorëve Publikë dhanë 28 prokurorët publikë të sapozgjedhur nga gjenerata e 8-të e Akademisë së Gjyqtarëve dhe Prokurorëve Publikë. Kryetarja e Këshillit të Prokurorisë Publike, Dushica Dimitrieska, theksoi se pas shpalljes së parë të kësaj gjenerate, pozitat në tetë prokurori publike nuk janë plotësuar. "Ne do të vazhdojmë me procedurën. “Për plotësimin e këtyre pozitave të prokurorit publik sot do të publikojmë konkursin”, tha Dimitrieska. Dimitrieska theksoi se ka prokurori publike ku një kohë të gjatë nuk ka fare prokuror publik, siç janë Prokuroria Themelore Publike e Kriva Pallankës dhe ajo e Resnjës.

Shkup - Deputetja e Vlenit, Imërlije Sali-Fetai, do të drejtojë seancën e sotme të Komisionit parlamentar për politikë sociale, demografi dhe rini, në rendin e ditës së të cilit është vetëm një pikë - Projektligji për ndryshimin dhe plotësimin e Ligjit për sigurim pensional dhe invalidor, me procedurë të shkurtuar, konfirmuan për MIA-n nga Kabineti i kryetarit të Kuvendit, Afrim Gashi. Gashi të hënën e emëroi deputetin e Frontit Evropian, Bejxhan Iljas, në krye të Komisionit për politikë sociale, demografi dhe rini, pasi Komisioni mbeti pa kryetar pas dorëheqjes së Ilire Dautit. Emërimi i Iljasit ishte tentativa e parë e Gashit për zhbllokimin e këtij Komisioni, por përfundoi pa sukses pasi deputeti e njoftoi se nuk mund të merrte pjesë sot, pas së cilës seanca u shty.

Shkup – Nuk do të ketë ushtarë të Maqedonisë së Veriut në tokën ukrainase, këtë deri më tani nuk e ka kërkuar askush nga ne si shtet, deklaroi sot ministri i Mbrojtjes, Vllado Misajllovski pas vizitës të pjesëtarëve të Batalionit të Parë të Këmbësorisë së Armatës në kazermën “Çede Filipovski – Dame” në Kërçovë.  “Si vend anëtar i NATO-s jemi vendi i katërt me radhë në ndarjen e ndihmës për pajisje të tjera për Ukrainën. Atë që e bëri kjo Qeveri gjatë periudhës së kaluar është ajo që ndau edhe një pako, por tani në këtë periudhë u ndryshua tregimi në gjeopolitikën në botë dhe ajo që mund të dëgjohej është se në tavolinë është propozim për paqe dhe ne jemi shtet i cili është i udhëhequr drejt paqes”, tha Misajllovski në përgjigjen e pyetjeve të gazetarëve. 

Shkup - Ministrja e Financave, Gordana Dimitrieska-Koçoska sot dhe nesër do të marrë pjesë në takimin e ministrave, organizuar nga Organizata Botërore e Shëndetësisë, dedikuar eliminimit të ndikimeve të dëmshme të pirjes së duhanit.  Siç informuan nga Ministria e Financave në këtë takim të nivelit të lartë do të marrin pjesë ministrat dhe zëvendësministrat e Financave të vendeve të rajonit, përfaqësuesit e Organizatës Botërore të Shëndetësisë dhe Komisionit Evropian, Mbretërisë së Bashkuar, Sllovenisë, Bankës Botërore, Organizatës Botërore të Doganave, Organizatës së Bashkëpunimit dhe Zhvillimit Ekonomik, si dhe përfaqësuesit e komunitetit akademik.  

Shkup - Kryeministri Hristian Mickoski nuk pret krizë politike në prag të zgjedhjeve lokale, por pret, siç deklaroi sot, "kërcënimet nga ana e BDI-së vazhdojnë me intensitet të pandërprerë". Sipas Mickoskit, BDI-ja më së paku është e interesuar për gjuhën ose gjyqtarët kushtetues, ajo, siç tha, është e frikësuar për "kapitalin e saj të fituar në mënyrë kriminele dhe dyshimet e bazuara për krimet që kanë ndodhur në vitet e fundit".

Shkup - Këta njerëz, të cilët kanë fituar qindra milionë euro biznes, praktikisht janë pasuruar në kurrizin e qytetarëve me atë që kanë përdorur mjete të tilla të palejuara, do të thosha kanë djegur lloj të tillë të materjeve të palejuara, me çka e kanë rrezikuar jetën e qytetarëve. Secili që ka gabuar para ligjit do të përgjigjet, pa dallim për kë bëhet fjalë, tha kryeministri Hristijan Mickoski, duke e komentuar rastin me furnizimin e mazutit kancerogjen. Kryeministri gjatë vizitës së sotme në komunën e Resnjës, tha se i inkurajon aksionet e tilla kundër krimit të organizuar.

Shkup - Në Ministrinë për Çështje Evropiane sot u mbajt panel diskutim në temë “Metodologjia e zgjerimit: Shkëmbim i qëndrimeve për konceptin e integrimit gradual”, organizuar nga Ambasada e Republikës së Francës në Republikën e Maqedonisë së Veriut dhe Instituti Zhak Delor, në bashkëpunim me Ministrinë për Çështje Evropiane të Maqedonisë së Veriut. Ngjarja u hap me fjalimet përshëndetëse të Ministrit për Çështje Evropiane, Orhan Murtezani dhe ambasadorit francez, Kristof Le Rigoler.

Shkup – Komisioni për Politikë Sociale mbetet i bllokuar, edhe pse kryetari i Kuvendit, Afrim Gashi kryesuese e emëroi deputeten e koalicionit qeveritar VLEN, Imërlije Saliu Fetai pasi të hënën deputeti Bejxhan Iljas refuzoi ta kryejë këtë funksion.  As Fetai nuk pati sukses ta vendosë në votim rendin e ditës në seancë pasi deputetja Jovanka Trençevska nga LSDM kërkoi plotësimin e rendit të ditës me Ligjin e branitellave. Pas kësaj, Fetai e mbylli mbledhjen në kohë të pacaktuar.  Fetai iu përgjigj Trençevskës se kryetari Gashi e ka emëruar që të kryesojë me Komisionin vetëm për Ligjin për Sigurim Pensional dhe Invalidor. 

Shkup - NP "Ujësjellësi dhe Kanalizime" – Shkup informoi se aksioni për pagesën e borxheve pa llogaritjen e interesit për pagesë të vonuar është duke vazhduar dhe do të përfundojë deri më 2 prill të këtij viti. "U bëjmë thirrje të gjithë konsumatorëve, të cilët kanë borxh të papaguar për ujin e konsumuar, ta shfrytëzojnë  mundësinë për të paguar me këste pa interes të llogaritur. Vendimi për zbatimin e veprimit për pagesën e borxheve të pashlyera pa llogaritur interes nuk vlen për organet shtetërore dhe lokale të pushtetit lokal dhe organet e tjera shtetërore të themeluara në përputhje me Kushtetutën dhe ligjin dhe institucionet që kryejnë veprimtari me interes publik, të përcaktuara me ligj dhe të organizuara si agjenci, fonde, institucione publike dhe ndërmarrje publike, të themeluara nga Republika e Maqedonisë ose nga komunat, Qytetit të Shkupit, si dhe nga komunat në Qytetin e Shkupit", theksohet në kumtesë.

Shkup - Nëpunësit policor dje kanë shqiptuar 827 urdhërpagesa  në kuadër të kontrolleve të përfshira të komunikacionit nëpër rrugët e vendit. Siç informoi MPB-ja, në bazë të parkimit të parreguult dhe mosrespektimit të shpejtësisë së përshkruar të lëvizjes konform Ligjit për siguri në komunikacionin rrugor dje ishin shqiptuar 203, përkatësisht vetëm 52 kundërvajtje. Gjithashtu është evidentuar një numër i madh i kundërvajtjeve në bazë të mosmbajtjes së rripit të sigurimit – 82, më tej 13 pjesëmarrës në komunikacion janë dënuar për shkak të mosmbajtjes së helmetës mbrojtëse  ndërsa 35 vozitës për shkak të bisedës në celular gjatë vozitjes.

Kërçovë - Nga sot fillon regjistrimi i ushtarëve profesionistë në Armatë, njoftoi ministri i Mbrojtjes, Vllado Misajllovski pas vizitës në kazermën në Kërçovë. Nesër do të publikohet edhe shpallja për pranimin e oficerëve, gjegjësisht personave me arsim të lartë. "Atë që e paralajmëroi kryeministri pak ditë më parë, dua të ndaj sot me ju se është shpallur konkursi dhe të gjithë të rinjtë që duan të jenë pjesë e Ministrisë së Mbrojtjes, gjegjësisht Armatës, të aplikojnë. Vijon gjithashtu edhe shpallja për pranimin në gradën oficer të 60 personave me arsim të lartë, të cilët do të lirohen nesër. Prandaj u bëj thirrje të gjithë të rinjve që e duan Maqedoninë që të jenë pjesë e kësaj thirrjeje. Ne duam t'i rifreskojmë radhët tona, t'u japim mundësinë shumë të rinjve të jenë pjesë e familjes sonë, familjes sonë NATO, pjesë e më të mirëve të më cilësorëve", tha Misajllovski.

Kërçovë - Ndarja aktuale nga Buxheti i Mbrojtjes është mbi dy për qind dhe kjo përqindje do të rritet me rritjen ekonomike, por tani për tani është vështirë të arrihen pesë përqindëshi, tha ministri i Mbrojtjes, Vllado Misajllovski. "Ato janë shumë mjete për cilindo vend. Disa vende mund të arrijnë deri në pesë për qind. Ne jemi mbi dy për qind të buxhetit tonë, gjegjësisht BPV-së. Ajo që është e rëndësishme, është që ekonomia të rritet, sepse me rritjen e ekonomisë, përqindja jonë do të ishte më e lartë", tha Misajllovski, duke shtuar se kjo duhet bërë me kujdes, hap pas hapi.

Resnjë -  Ekziston aktivitet intensiv diplomatik për zgjidhjen e çështjes me Bullgarinë, në atë drejtim liderët e Bashkimit Evropian do ta vizitojnë Shkupin në muajt e ardhshëm, tha ambasadori i BE-së, Mihalis Rokas, pas vendosjes së gurthemelit të vendkalimit kufitar Maqedoni-Greqi "Markova Noga". "Në nivel të BE-së, ne po punojmë shumë në bashkëpunim të ngushtë me Qeverinë e Maqedonisë së Veriut për të kapërcyer të gjitha çështjet e mbetura para se të hapim negociatat. Ka një aktivitet intensiv diplomatik për zgjidhjen e kësaj çështjeje, përfaqësues të lartë të BE-së do të vizitojnë Shkupin në dy-tre muajt e ardhshëm dhe shpresoj se do të mund të ecim përpara, tha Rokas në përgjigje të pyetjes së një gazetari se si është disponimi në BE për nënshkrimin e një deklarate nga Këshilli Evropian, Komisioni Evropian ose pala bullgare, për atë se përfshirja e bullgarëve në Kushtetutë do të jetë çështja e vetme dypalëshe e rrugës tonë drejt BE-së.

Varshavë - Dërgesat e armës nga SHBA-ja për në Ukrainë janë ripërtëritur, njoftuan agjencitë botërore, duke iu referuar deklaratës së ministrit polak të Punëve të Jashtme, Radosllav Sikorski. Pas më shumë se tetë orë biseda mes përfaqësuesve ukrainas dhe amerikanë në Arabinë Saudite, Uashingtoni dje u pajtua për ripërtëritjen e ndihmës ushtarake dhe këmbimin e informatave zbuluese me Kievin. "E konfirmoj këtë. Dërgesat e armës përmes Jashonkës u kthyen në nivelet paraprake", tha Sikorski.

Dublin – Sekretari shtetëror amerikan Marko Rubio sot deklaroi se SHBA-ja dje ka biseduar me delegacionin ukrainas në Xhide për lëshime territoriale të Kievit dhe se shpresojnë në përgjigje pozitive nga Rusia për armëpushim. “Nëse Rusia thotë jo, do ta kemi shumë më të qartë. Nuk ka zgjidhje ushtarake për këtë konflikt. Ukrainës i nevojiten mjaftueshëm mjete për të penguar sulmet e ardhshme”, u tha Rubio gazetarëve në aeroportin Shenon në fillim të vizitës në Republikën e Irlandës. 

Bruksel – BE-ja do të reagojë në mënyrë adekuate për shpalljen eventuale të doganave reciproke nga ana e SHBA-së, të cilat do të ishin përgjigje për masat të cilat sot i ndërmori Unioni pas hyrjes në fuqi të doganave amerikane për import të çelikut dhe aluminit, deklaroi zëdhënësi i Komisionit Evropian për Siguri Ekonomike, Tregti, Shërbime Financiare dhe Dogana, Olof Gil.  “Shumë qartë e bëmë të ditur se ne do të reagojmë nëse SHBA-ja i realizon kërcënimet e saj për vendosjen e doganave për importin e çelikut dhe aluminit nga BE-ja dhe reaguam. Shumë qartë themi edhe se SHBA-ja duhet të përmbahet nga doganat reciproke, ndërsa nëse i vendosin do të përgjigjemi shpejtë dhe fuqishëm, siç bëmë edhe sot”, tha Gill. 

Bruksel - Bashkimi Evropian vitin e kaluar ka eksportuar hekur, çelik dhe prodhime të ngjashme me vlerë prej 77,8 miliardë euro. Vlera vjetore e importit të këtyre produkteve është 73,1 miliardë euro, ashtu që në këtë segment të tregtisë është vërejtur suficit prej 4,7 miliardë euro, kumtoi sot Eurostat.

Bruksel - Komisioni Evropian ka propozuar një rregullore për krijimin e një sistemi të përbashkët evropian të kthimit, i cili do të mundësojë procedura më të shpejta, më të thjeshta dhe më efikase për deportimin nga BE-ja të migrantëve ilegal dhe personave të cilëve u është refuzuar kërkesa për azil, përfshirë hapjen e “Qendrave të Kthimit” në vendet e treta. Sipas Komisarit Evropian për Çështjet e Brendshme dhe Migracionin, Magnus Bruner, është një grup procedurash efikase dhe moderne për kthimin e emigrantëve të paligjshëm.

Tbilisi – Gjykata civile në Tbilisi sot e shpalli fajtor ish presidentin gjeorgjian Mihail Sakashvilli në rastin për përvetësim të mjeteve shtetërore dhe e dënoi me nëntë vjet burg, duke shtuat tre vjet të dënimit me burg të cilin po e vuan për momentin. Saakashvilli, i cili ishte president prej vitit 2004 deri në vitin 2013, paraprakisht ishte dënuar me gjashtë vjet burg për keqpërdorim të pozitës zyrtare pas kthimit në Gjeorgji në vitin 2021, njoftoi agjencia gjeorgjiane e lajmeve.