Uashington, 8 janar 2025 (MIA) – Mediat perëndimore e komentuan konferencën për media të presidentit të porsazgjedhur amerikan Donald Tramp, i cili deklaroi se nuk përjashton përdorimin e detyrimit ushtarak ose ekonomik që të marrë kontroll mbi Kanalin e Panamasë dhe Grenlandës. Ai, gjithashtu, e demonstroi qëllimin e tij që ta riemërojë Gjirin e Meksikës në “Gjirin e Amerikës”, ndërsa disa ditë më parë propozoi që Kanadaja të bëhet pjesë e SHBA-së. 

Gazeta amerikane “Uashington post” shkruan se në konferencë për media Trampi edhe një herë e ka treguar prirjen e tij për pika të çuditshme kontakti mes temave që diskuton, fyerjet, deklaratat e rreme dhe hiperbolat. Sipas gazetës, ai pasqyroi një pamje të zymtë të gjendjes aktuale të vendit, duke e quajtur SHBA-në "vend të tmerrshëm" dhe duke bërë pretendime të shumta të pasakta për politikat e administratës së Presidentit Xho Bajden.

Botimi vëren se kërcënimet ndaj sovranitetit të vendeve të tjera bien ndesh me premtimet e fushatës së Trampit për t'i dhënë fund luftërave dhe jo fillimin e tyre. Megjithatë, që nga mandati i parë i Trampit, politika e tij e jashtme "Amerika në vend të parë" vëren lëshime të shpeshta nga normat diplomatike dhe nacionalizmin e tij të guximshëm, raporton Uashington post. Lidhur me deklaratën e tij se do ta riemërtonte Gjirin e Meksikës në “Gjiri i Amerikës”, gazeta sqaron se ekzistojnë mekanizma për riemërtimin e veçorive gjeografike që njihen nga qeveria federale, por nëse një ndryshim i tillë bëhet zyrtar, nuk do të thotë se vendet e tjera do ta njohin atë.

“Uollstrit xhurnal” shkruan se thirrjet e Trampit drejt SHBA-së që ta marrin kontrollin ndaj Grenlandës, Kanadasë dhe Kanalit të Panamasë e pasqyrojnë magjepsjen e tij nga ideja e vjetër, por zbatimi në shekullin 21 – se forcat e mëdha duhet t’i ndajnë sferat e ndikimit dhe t’i mbrojnë interesat e tyre ekonomike dhe të sigurisë me vendosjen e vullnetit të tyre fqinjëve të tyre më të vegjël.

Nëse Trampi bën madje edhe pjesë të vogël të asaj që e përshkruante, nga të cilat çdonjëra është përfundimisht e pabesueshme, kjo do të mund të nënkuptojë ndryshime të mëdha në rolin global të Amerikës, thonë analistët për publikimin. Ata thonë se pohimi i Trampit se do ta aneksojë Kanadanë është blof që të tërheqë vëmendje para bisedimeve tregtare me Otavën. 

Uollstrit xhurnal sqaron se çdonjëri që është i shqetësuar se Trampi me të vërtetë mund ta bëjë atë që e thotë, mund të kujtojë premtimin e tij gjatë mandatit të tij të parë se do ta detyrojë Meksikon të paguajë për murin të cilin donte ta ndërtonte përgjatë kufirit jugor të SHBA-së, ide për të cilën ndaloi së foluri sepse vështirësitë gjatë zbatimit të saj u bënë të qarta dhe çështje të tjera morën prioritet. 

“Nju Jork tajms” raporton se pati shumë dejà vu në konferencën për shtyp, duke kujtuar skena nga mandati i tij i parë si president - teoritë e konspiracionit, faktet e fabrikuara, ankesat e nxehta, referenca të paqarta për "njerëzit" që ai nuk i përmend kurrë dhe pohimi i përgjithshëm se siguria kombëtare e SHBA-së tani është e kërcënuar, por pa përcaktuar se si mjedisi strategjik ka ndryshuar në një mënyrë që mund të shkaktojë cenimin e sovranitetit të shteteve të pavarura.

“Fajneshënëll tajms” vëren se valuta kineze arriti nivelin më të ulët gjatë 16 muajve të kaluar, sepse potenciali për rritje të shpejtë të tarifave nga administrata e Trampit e ngrohu shqetësimin për pikëpamjet për rritje të ekonomisë së dytë për nga madhësia në botë. 

“Gardian” shkroi se vërejtjet e Trampit ishin dhënë në kohën e takimit pa kuptim me gazetarët dhe sipas gjitha gjasave do të shkaktojnë alarm diplomatik në botë. 

Vërejtjet e tij shënonin përshkallëzim dramatik të retorikës rreth Kanalit kyç të Panamasë, të cilin SHBA-ja e ndërtoi fillimisht në vitin 1914 dhe punonte në pjesën më të madhe të shekullit 20, thotë gazeta, duke shtuar se qëndrimi konfrontues i përsërit tensionet që shkaktuan pushtimin e SHBA-së në Panama në vitin 1989. 

Në shikim të parë kjo duket si teatër politik i absurdit, por Trampi ka zakon që të pamundurën ta shndërrojë në të mundur dhe të pashmangshme, shkruan Gardian. 

“Telegrafi” theksoi se aneksimi i Grenlandës drejt SHBA-së do të përfaqësonte zgjerimin më të madh territorial të vendit që nga blerja e Luizianës nga Franca në  vitin 1803. fc/