Uashington, 3 mars 2025 (MIA) - Drejtori i Departamentit amerikan për efikasitet qeveritar (DOGE), Ilon Mask, ka përkrahur kërkesën e disa senatorëve republikanë - që SHBA të tërhiqet nga NATO dhe Kombet e Bashkuara.

"Jam dakord. Është koha për të lënë NATO-n dhe OKB-në, theksoi Mask.

Më parë edhe presidenti amerikan Donald Tramp deklaroi se SHBA-ja nuk do të mbetet në NATO nëse anëtarët e tjerë nuk kontribuojnë më shumë për Aleancën.

“Nëse paguajnë faturat e tyre, ne me siguri do të ruajmë rolin e Amerikës në Aleancë”, deklaroi Tramp.

Pak ditë më parë, senatorët amerikanë nga Partia republikane, mes të cilëve edhe Majk Li paraqitën një propozim-ligj për tërheqjen e plotë të SHBA-së nga OKB-ja.

Li ka kritikuar prej kohësh NATO-n, duke thënë se aleanca është "një marrëveshje e madhe për Evropën", por "një marrëveshje mizore për Amerikën". Sipas tij, burimet amerikane po përdoren për të mbrojtur Evropën dhe pak po bëhet për të mbrojtur SHBA-në. ls/

Foto: EPA